Movemento aparente do Sol [1]
Cando analizamos o movemento diario do Sol podemos considerar este como movemento verdadeiro da estrela arredor da Terra. Aínda que todos sabemos que en realidade é a Terra a que orbita arredor do Sol non imos cometer moito erro se consideramos un modelo xeocéntrico e supoñemos que a Terra se encontra inmóbil e que é o Sol que se move arredor dela.
De feito, durante moitos séculos este era o modelo predominante e serviu coma base para poder explicar unha grande cantidade de fenómenos astronómicos, aínda que a medida que avanzaban os coñecementos neste campo a artificialidade do modelo se manifestaba claramente, propoñéndose como reais unha grande serie de artefactos matemáticos para poder explicar a realidade (como por exemplo a órbita retrógrada que amosaban algúns planetas no seu movemento arredor da propia Terra).
En calquera caso, para deseñarmos un reloxo solar podemos considerar, sen cometer maiores erros, que é o Sol que se traslada arredor da Terra. Deste xeito, a partir de agora, consideraremos este modelo coma se fose real.
En liñas xerais podemos considerar que o Sol sae polo Leste e se oculta polo Oeste, facendo, no seu percorrido diario, un paso polo meridiano do lugar e que se corresponde co momento no que o Sol acada a maior altura sobre o horizonte: o mediodía solar. Nese intre o Sol e a sombra que proxecte un pau chantado verticalmente nun horizonte chan, estanos a indicar a dirección Norte (cara onde se proxecta a sombra do pau) e Sur (onde estaría situado nese momento o Sol) [Véxase anteriormente o apartado adicado ao Gnomon].
Preme na imaxe seguinte se queres saber máis.
De feito, durante moitos séculos este era o modelo predominante e serviu coma base para poder explicar unha grande cantidade de fenómenos astronómicos, aínda que a medida que avanzaban os coñecementos neste campo a artificialidade do modelo se manifestaba claramente, propoñéndose como reais unha grande serie de artefactos matemáticos para poder explicar a realidade (como por exemplo a órbita retrógrada que amosaban algúns planetas no seu movemento arredor da propia Terra).
En calquera caso, para deseñarmos un reloxo solar podemos considerar, sen cometer maiores erros, que é o Sol que se traslada arredor da Terra. Deste xeito, a partir de agora, consideraremos este modelo coma se fose real.
En liñas xerais podemos considerar que o Sol sae polo Leste e se oculta polo Oeste, facendo, no seu percorrido diario, un paso polo meridiano do lugar e que se corresponde co momento no que o Sol acada a maior altura sobre o horizonte: o mediodía solar. Nese intre o Sol e a sombra que proxecte un pau chantado verticalmente nun horizonte chan, estanos a indicar a dirección Norte (cara onde se proxecta a sombra do pau) e Sur (onde estaría situado nese momento o Sol) [Véxase anteriormente o apartado adicado ao Gnomon].
Preme na imaxe seguinte se queres saber máis.